如何選擇隱形眼鏡?

唔想做四眼妹或者有對矇豬眼,點算好?

如何選擇隱形眼鏡呢個問題?好自然地會聯想起第一次為何要戴Con?唔想帶住幅眼鏡做個四眼仔、四眼妹,所以想試下帶隱形眼鏡?見到身邊的朋友戴住大眼仔,原來矇豬眼都可以變成大眼妹靚女;定係工作上的需要你戴隱形眼鏡?總之,總會有一個理由令你走上帶Con的路上!

雖然戴Con的原因有很多,但自己就一定要清楚知道自己戴隱形眼鏡的目的。

隱形眼鏡是一種直接附在角膜表面淚液層上的鏡片,用來矯正視力、減緩近視。大部份朋友都是因為這個原因而選擇戴眼鏡框或者隱形眼鏡,所以必須認識如何選擇合適自己的隱形眼鏡,一般可以考慮以下問題:

1. 隱形眼鏡的經濟角度

隱形眼鏡的經濟角度

首先,請不要怪小篇市儈,因為第一個要考慮的問題,就是 ─ 錢!隱形眼鏡一般都會分為日拋即棄隱形眼鏡、兩星期拋即棄隱形眼鏡、月拋即棄隱形眼鏡、以及半年和年Con (現在應該很少人用了),若以每個月30日都使用隱形眼鏡來計算,日拋Con會最貴,然後順序是兩星期拋即棄隱形眼鏡和月拋即棄隱形眼鏡。所以要諗諗自己的荷包和實際需要,若錢唔係一個考慮的問題,那麼日拋Con會是最好的選擇,即用即棄、無手尾要跟,爽!

具體啲再給大家一個『錢』的大約概念,按每月消費來計算

日拋Con:~HK$200 - HK$500

日拋Con:~HK$200 - HK$500

兩星期Con:~HK$70 - HK$120

兩星期Con:~HK$70 - HK$120

月Con:~HK$40 - HK$70

月Con:~HK$40 - HK$70

一講到錢,大家應該都明白曬!

順帶提一提,若果你平時只係打波、踢波時才戴Con,日Con會係一個比較好的選擇,一盒可以用好耐。

2. 眼乾與保濕

眼睛要敷Mask

塊面好乾點算好?即刻勤力啲去敷Mask!

眼乾又點算好?唔通去敷眼Mask?

純粹講笑打個比如,因為我地雙眼真係好需要保濕,避免眼乾導致唔舒服、眼紅、捽眼,跟住唔小心受到細菌感染,尤其現在COVID-19疫情下,又Delta、又Omicron,諗起都驚驚。講咗咁多廢話,如何揀一幅又舒服又保濕的隱形眼鏡?唔好意思,答案可能令你有點失望 - 無!

因為地球七十幾億人,就有七十幾億個可能性,有啲人雙眼隨時發『乾』,中午未到就眼乾乾;有啲人雙眼無時無刻都水汪汪,從來都不缺水 (淚水)。所以小篇從科學的角度去分析:

時間 + 環境 + 個人體質 (淚液分泌)

時間 + 環境 + 個人體質 (淚液分泌)

需要長時間戴Con返工、返學,每次都要佩戴隱形眼鏡超過5、 6個小時或以上,仲要係室內開著強勁冷氣的環境中 (香港特色),呢個情況真係好考驗你的淚水分泌力。好多朋友每日下午3、4點左右都會出現眼睛乾澀,坐係小篇對面的同事就是其中一個例子,每日呢段時間都需要攞枝眼藥水來滴下,目的就是幫對眼仔保濕,使雙眼無咁易乾及俾佢潤啲。所以若果你比較容易眼乾的一族,最好選擇鎖水能力比較高的隱形眼鏡。

隱形眼鏡的鎖水能力一般要看鏡片用什麼物料製造,市面上最常用的物料是水凝膠 Hydrogel 和矽水凝膠 Silicone Hydrogel (此物料的Con相對會貴啲),因為矽水凝膠的隱形眼鏡具備較好的鎖水能力和較高的透氧力 dk/t (呢個就係點解電視廣告話眼睛都會呼吸的原因),所以長時間戴Con的朋友及眼睛容易乾澀,可以考慮戴矽水凝膠物料的隱形眼鏡。

那麼水凝膠物料的隱形眼鏡是否一定不好,給矽水凝膠Con比下去?其實也不一定,某大品牌的水凝膠Con,據聞多年來都是全球銷售第一,若閣下雙眼不會容易眼乾,又或者唔洗成日坐係辦公室工作,使用水凝膠Con也是不錯的,而且可以為你每年省回不少錢,Why not!

仲有一個容易踩屎的想法跟大家分享,隱形眼鏡的含水量是否越高越好?眼乾的朋友當看到隱形眼鏡含水量高,一定會覺得比較合適自己。其實若果你本身淚液分泌不足、又容易眼乾,加上長時間係冷氣環境中,配戴高含水量的Con,在物理現象下,反而會令雙眼和隱形眼鏡「搶水」,加速水份蒸發,導致鏡片變乾,引發眼睛乾澀不適,所以大家要小心呢個情況。稍後小篇也會分享從數據上了解隱形眼鏡,希望可以幫到大家更加了解隱形眼鏡。

最後,隱形眼鏡始終是醫療器械產品,大家若果有咩唔明的地方,千祺唔好上身為專業人仕,記得第一時間跟相熟的視光師或者眼科醫生查詢,尋求真正的專業意見。及大家記得最少每6個月就做一次驗眼。