春天潮濕點算好？10個低成本防霉除濕法寶 屋企即變乾爽！

點解春天特別濕？原來同「回南天」有關！

一到春天，香港就成日「牆身出水、衫褲晾極唔乾」，搞到成屋濕漉漉，仲惹埋霉菌！其實呢啲都係「回南天」搞鬼 - 冬天時屋企嘅牆同地板凍冰冰，春天回暖後，又暖又濕嘅南風吹入室內，撞到凍嘅表面就會凝結成水珠，好似倒汗水咁黐住傢俬同地板，仲會滋生霉菌同異味！

想對抗呢啲「濕氣大軍」，唔一定要買貴價抽濕機，以下10招低成本秘技，幫你慳錢又環保！

目錄

• 什麼是香港回南天？持續多久？
• 法寶一 : 舊報紙
• 法寶二 : 咖啡渣
• 法寶三 : 梳打粉
• 法寶四 : 香薰蠟燭
• 法寶五 : 熱鹽水
• 法寶六 : 竹炭
• 法寶七 : 硅藻土地墊
• 法寶八 : 關實南面窗
• 法寶九 : 暖包
• 法寶十 : 茶包

延伸閱讀 : 8大症狀自測＋4招懶人祛濕法(附簡易祛濕湯水食譜)
延伸閱讀 : 袪濕五大迷思

香港回南天︱什麼是回南天？返潮又指什麼？發生月份？

「回南天」形成原因 :

• 季節變化 : 冬季冷空氣逐漸消退，暖空氣開始侵入
• 潮濕空氣 : 南方水氣多，特別係春季，隨著季風轉變，潮濕空氣會隨之而來

「回南天」發生月份 :

• 回南天會喺每年嘅2月尾至5月之間發生，特別係3月同4月，通常會持續幾日到幾個星期，視乎天氣變化而定。

「回南天」意思 :

• 春季潮濕天氣，特別係有霧氣、潮濕感覺嘅日子

「返潮」意思 :

• 因濕度高，導致物品或空間出現水分，像牆壁出水珠，地面滑等現象

【春天潮濕解決方法】10大慳錢防潮法寶 屋企即時乾爽

防霉除濕攻略一 : 舊報紙鋪地吸濕

唔好睇少舊報紙，報紙油墨有吸水功能，直接鋪喺鞋櫃底、衣櫃門邊，或者濕滑地板，吸濕力一流!!! 每日換一次，唔好畀佢發霉啊

回到頂端

防霉除濕攻略二 : 咖啡渣自製除臭吸濕包

• 飲完咖啡嘅渣渣唔好掉
• 用微波爐叮乾後，塞入茶包或舊襪，掛喺衣櫃、鞋櫃，吸濕兼除臭，仲有陣陣咖啡香
• 咖啡渣防霉效果顯著，使用後約三個月換一次就可以了

回到頂端

防霉除濕攻略三 : 梳打粉掃霉+吸濕

• 梳打粉唔止洗碗勁，仲可以對付牆角霉菌
• 用牙刷沾梳打粉水刷走霉斑，或者倒啲粉入盒，蓋層薄布放喺廁所角落，吸濕防霉一盒搞掂

回到頂端

防霉除濕攻略四 : 香薰蠟燭趕走霉味

• 點香薰蠟燭唔止浪漫，仲可以減少水氣積聚
• 揀啲天然精油蠟燭，燒完連霉味都無埋，但記得遠離易燃物啊

回到頂端

防霉除濕攻略五 : 熱鹽水拖地快乾

• 拖地後成個鐘都未乾？試吓用暖水加一湯匙鹽拖地
• 鹽入面嘅氯化鎂可以吸濕，地板快乾仲有殺菌效果，慳力又有效

回到頂端

防霉除濕攻略六 : 竹炭擺櫃桶吸濕

• 竹炭表面有無數小孔，吸濕力強仲可以循環再用
• 放喺衣櫃或鞋櫃吸濕，曬返太陽就翻生，夠晒環保

回到頂端

防霉除濕攻略七 : 硅藻土地墊吸腳底水

• 近年大熱嘅硅藻土地墊，放浴室或廚房門口，即刻吸乾腳底同碗碟嘅水氣
• 記住唔好用水洗，風乾就得～

回到頂端

防霉除濕攻略八 : 關實南面窗擋濕氣

• 回南天時，記得開掉向南同東南嘅窗
• 南風帶住大量濕氣衝入屋，關窗+用膠紙封隙縫，即刻截住水軍入侵

回到頂端

防霉除濕攻略九 : 暖包變身吸濕神器

• 過完一個冬季，用剩嘅暖包唔好浪費
• 入面嘅活性碳同鐵粉可以吸濕，放喺抽屜或櫃角，方便又唔會搞到周圍污糟

回到頂端

防霉除濕攻略十 : 茶葉、綠茶包驅霉

• 綠茶茶葉含有茶多酚，吸濕兼防霉
• 將乾茶葉放入紗布袋，擺米缸或衣櫃，潮味霉菌一掃空

回到頂端

溫馨提示：防潮要持久，記住3大原則！

• 定期更換吸濕材料：報紙、咖啡渣等吸飽水就要換，否則會發霉！
• 保持空氣流通：趁中午乾爽時開窗對流，趕走積聚濕氣。
• 配合抽濕機更有效：如果濕到滴水，可以日間開抽濕機2-3小時 (記得關窗)，再配合以上方法，慳電又快乾！

透過以上方法，唔使大花金錢都可以令屋企保持乾爽，趕走霉菌同異味！快啲Share畀身邊成日呻「好濕啊」嘅朋友啦～ 

回到頂端