Cosplay必備！日本大直徑隱形眼鏡ICE Flora

由日本著名 cosplay 品牌 Assist ChouChou 推出嘅 ICE Flora 系列 1Day color con，直徑足足有成 15mm，著色直徑亦達到 14.6mm，相對起同品牌其他 14.0／14.5 嘅產品，絕對係以大見稱。

Color con 直徑嘅大細會接受影響配戴者俾人嘅感覺，一般嚟講大直徑會比較可愛，細直徑眼神望落會比較銳利，而動漫角色好多時瞳孔都畫得比較大，ICE Flora 嘅大直徑就好適合用嚟 cosplay 溫柔系／女性角色。

ICE Flora 1-Day 另一個賣點係顯色度，佢有實色黑邊，顯色度亦十分好，所以戴上嘅效果會比較誇張，會較適合 cosplay／Halloween／特殊造型 / Party，而唔太適合日常用。

▶ 筆者實測上眼效果

【Rose Beats】

佢嘅顏色紅得嚟帶極微量嘅桃紅，筆者用嚟嘗試 cosplay 嘅角色為漫畫《合コンに行ったら女がいなかった話》嘅蘇芳，佢係喺男裝 cafe 上班嘅女性大學生，作者繪畫佢嘅眼神偏向溫柔，而佢嘅眼睛顏色為紅色。

戴上呢款 con 對眼好似寶石咁微微發光，幾有神又唔至於好惡，又做到女性角色大瞳孔嘅感覺，而且十分舒服。

按此 選購 ICE Flora 1-Day 彩色隱形眼鏡

【Green Vodka】

Green Vodka 係隻好靚嘅正綠色。筆者用嚟嘗試 cosplay 嘅角色為遊戲《あんさんぶるスターズ》嘅白鳥藍良。

白鳥藍良係一個偶像宅嘅偶像，頗活潑，屬於可愛型嘅男性角色，而見到喜歡嘅偶像會好似雙眼發曬光咁，所以用呢款好似寶石一樣嘅 con 就十分適合啦～

按此 選購 ICE Flora 1-Day 彩色隱形眼鏡

【Crash Shower】

ICE Flora 系列嘅藍色有好多款，Crash Shower 係相對彩度高嘅正藍色。

筆者用嚟嘗試 cosplay 嘅角色為日本歌手 Ado 嘅形象角色，呢套係其歌曲「夜のピエロ」嘅版本，Ado 唔少歌曲都俾人狂氣嘅印象，而呢首歌曲嘅佢係偏向小丑形象，用比較大直徑嘅 color con 幾適合突出浮誇嘅感覺～

按此 選購 ICE Flora 1-Day 彩色隱形眼鏡

▶ 產品評分

佩戴時間：5hr
顯色度：★★★★★
水潤度：★★★★
放大效果：★★★★★

雖然係大直徑嘅 color con，但因為佢夠薄夠透氣，戴上去其實冇咩感覺，過程冇任何不適，係除落嚟合個下覺得有少少乾。佢十分顯色，都偏向實色嘅顏色，cosplay 嚟講顯色度絕對足夠。

至於大效果，可以話係去到誇張嘅程度，如果想追求大眼 bling bling 嘅顯色 color con，不妨考慮下 ICE Flora 系列，佢目前共有 11 款顏色，話唔定會有一款係你想要嘅～

▼ COSPLAY 彩妝隱形眼鏡 ▼